Нүүр, амны их эмч Б.Бадамцэцэг Монгол Улсын Ерөнхийлөгчийн Эрүүл мэнд, нийгмийн бодлогын зөвлөхөөр томилогджээ. Өмнө нь Т.Мөнхсайхан зөвлөж байсан бөгөөд УИХ-ын сонгуулиар парламентад сууж, Эрүүл мэндийн сайд болсон тул энэ албанд хүн томилогдоогүй байсан аж.
Б.Бадамцэцэгийг “Хэцүү анги” кинонд Гэрлээгийн дүрийг бүтээснээр нь хүмүүс андахгүй. Нийгэмд харин шүдний эмч гэдэг статусаараа эцэг эхчүүд болон хүүхдүүдийн амны хөндийн эрүүл мэндэд нөлөөлж ажилладаг.
Тэрбээр, “Эрүүл Монгол хүн” үндэсний хөдөлгөөний хэрэгжилтийг хариуцан ажиллахаар болсон. 2021 онд “Үндэсний шүдний эрүүл мэндийн боловсрол олгох сан”-г байгуулан долоон аймгийн давхардсан тоогоор 6300 гаруй хүүхдэд үнэ төлбөргүй шүдний үзлэг, эмчилгээ хийсэн билээ.
У.УЯН
