УИХ-ын сонгуулийн I тойрог Архангай, Өвөрхангай, Баянхонгорт АН-аас нэр дэвшигч О.Алтангэрэлийн ухуулагчаар бүртгэлтэй ажиллаж байсан иргэн нас баржээ.

Тодруулбал, энэхүү харамсалтай хэрэг 2024.06.16-ны шөнө гарчээ. 2024.06.16-ны өглөөний 08.00 цагт Өвөрхангай аймгийн Хужирт сумын эмчээс хүн нас барсан тухай дуудлага мэдээлэл Хархорин сум дундын цагдаагийн хэлтэст ирсэн байна.

Талийгаач нь Б.Ч нь Хархорин сумын Нарийн хүр багт Ардчилсан намын сонгуулийн штабт нэр дэвшигч О.Алтангэрэлийн …. тоот бүртгэлээр ухуулагчаар ажиллаж байсан аж.

Бидэнд олдсон мэдээллээр, Хархорин суманд 1998 оны төгсөгчдийн арга хэмжээ 2024.06.15-16-нд шилжих хоногт болжээ. Тэрхүү арга хэмжээнд талийгаач эхнэрийн хамт очиж оролцоод согтууруулах ундааны зүйл бусад хүмүүсийн хамт хэрэглэсэн гэгдэж байна. Улмаар фургон машинд хонож, өглөө энгэр лүүгээ бөөлжсөн, ил харагдах гэмтэл, шархгүй байсан аж.

Эл хэргийн талаарх шалгалтын ажиллагаа үргэлжилж байна.

У.УЯН