“Монгол Улсын Улаанбаатар хотын Дулааны гуравдугаар цахилгаан станцын өргөтгөл, шинэчлэлийн төслийн зураг төсөл боловсруулах тухай Монгол Улсын Засгийн газар, Оросын Холбооны Улсын Засгийн газар хоорондын хэлэлцээр”-ийг соёрхон батлах тухай хуулийн төслийг Эдийн засгийн байнгын хороо хэлэлцэж байна.

УИХ-ын гишүүн О.Цогтгэрэл

-Суурин дээр нь шинээр барина гэлээ. Суурин дээр нь баривал бараг шинээр барих юм биш үү. Шинээр барихаар бол заавал ОХУ гэх шаардлага байгаа юм уу. Ер нь оросын технологи яг ямар байгаа юм. Нэгэнт л буулгаад шинээр барих гэж байгаа бол хоригт орчихсон техник технологийн хоцрогдолтой орон луу хандаад байгаа юм. Суурин дээр барина гэхээр хуучныг нь ашиглахгүй юм байна. Тэгэхээр бидний алдарт Дарханы замын алдаа давтагдах юм биш үү?

Эрчим хүчний сайд Б.Чойжилсүрэн

-Нэгдүгээрт, 2019 онд Монгол Улсын Ерөнхий сайд ОХУ-д айлчлах үеэр ОХУ-ын Ерөнхийлөгч бид Хятад руу Монголоор дамжуулан хийн хоолой барина. ТЭЦ-3-ыг манай технологиор барьсан. Өргөтгөн шинэчлэх ажлын төслийг ОХУ-ын компаниуд дунд зарлаач гэх санал тавиад яригдаж эхэлсэн асуудал юм байна лээ. Хоёрдугаарт, Энэ станцыг хоёр үе шаттай шинэчлэн. Энэ хүрээнд одоо байгаа захиргааны барилгынх нь нэг хэсгийг буулгаад 50 мвт-ын хүчин чадалтай турбин суулгана. 100 кгл/ц хүчин чадалтай зуух суулгана. Үүний дараа одоо байгаа 4 турбиныг буулгаж, шинээр суурилуулна. Тэгэхээр бодит байдал дээр хоёр шинэ станц баригдана гэсэн үг. Гуравдугаарт, 2019, 2021 онуудад ОХУ-тай хийсэн уулзалтуудын хувьд яг өнөөдрийн байдлаар нүүрсээр ажилладаг ДЦС барих  төслүүдэд санхүүжилт босгох тун хүндрэлтэй байгаа учир ийм шийдвэр гаргасан юм байна лээ.

УИХ-ын гишүүн О.Цогтгэрэл

-Нэгэнт шинээр барьж байгаа юм бол яагаад оросоос өөр улстай ярьж болохгүй байгаа юм гэдэг дээр хариулт тодорхой биш байна л даа.