Байгаль орчин, хүнс, хөдөө аж ахуйн байнгын хороогоор агаарын бохирдол, "Тавантолгой түлш" ХХК-ийн үйлдвэрлэл, бүтээгдэхүүний асуудлыг хэлэлцэж байна.

Энэ үеэр "Тавантолгой түлш" ХХК-ийн ерөнхий технологич Д.Өлзийбат,

"Мидлингийн дэгдэмхий бодис өмнө нь 18.5 хувь байсан. Одоо 20-22 болж, 3-4 пунктээр өссөн. Шахмал түлш болон мидлингийн стандартыг тогтмол шалгаж мөрдөж байгаа. MNS5679 гэдэг манай стандарт дээр чийглэгийг 6 хувиас ихгүй гэдэг. Үүнийгээ бүрэн хангаж гарч байгаа. Магадгүй зун бороо их орсонтой холбоотой" гэлээ.

Үүнд УИХ-ын гишүүн асан Б.Бат-Эрдэнэ,

"Мидлингийн дэгдэмхий тэгж өсөхөөр утаа ихсэлгүй яах вэ. Хоёрт, барьцалдуулагчийг яаж үйлдвэрлэж байгаа юм бэ. Стандарт нь байна уу?" гэж асуулаа.

"Тавантолгой түлш" ХХК-ийн ерөнхий технологич Д.Өлзийбат,

"Үйлдвэрлэлд хоёр төрлийн барьцалдуулагч. Царьдуул суурьтай нь гадаадаас ирдэг. Дотоодын ААН-ээс целилёз, долмалит хосолсон барьцалдуулагч авч хэрэглэдэг. Манайх 2024 оны гуравдугаар сард байгууллагын стандартаа баталсан. Барьцалдуулагчийн стандарт байхгүй. Ирэх онд Монгол улсын стандарт бий болгохоор төлөвлөж байна" гэж хариуллаа.

УИХ-ын гишүүн Б.Бат-Эрдэнэ тодруулж асуухдаа,

"Стандарт өнөөдрийг хүртэл батлагдахгүй яваад байгаа юм байна. Ер нь тэгэхээр аргагүй шүү дээ. Нэг зүйлийг хэлмээр байна. С.Одонтуяа сайдыг бага муул. Утаа бол эрчим хүч буюу дулаан үйлдвэрлэлтэй холбоотой ажил шүү. Миний үед чиг үүргийг шилжүүлсэн. Одоо буцаад БОУАӨ-ийн яаманд ирсэн байна. Эсвэл С.Одонтуяа сайдад үйлдвэрийг нь ч, инженерийг нь ч өг. Агаарын бохирдолд БОУАӨЯ ямар ч үүрэг гүйцэтгэх боломжгүй. "Тавантолгой түлш" ХХК-ийн хүмүүсийг бас олон талаас дууддаг. Үүнийг бас багасгаасай, энэ хүмүүс ажлаа хийх хэрэгтэй байгаа" гэлээ.

Г.САНСАРМАА