Эдийн засаг, хөгжлийн сайд Л.Гантөмөрийн харьяаны "Үндэсний хөгжлийн хүрээлэн"-гийн захирлаар Г.Дэнзэн томилогдоод байгаа аж.

Г.Дэнзэнг Н.Алтанхуягийн хүргэн гэдгээр нь олон нийт мэднэ. УИХ-ын гишүүн Н.Алтанхуягийг Ерөнхий сайдаар ажиллаж байхад Г.Дэнзэн ЗГХЭГ-ын Дэд дарга, ЭТТ компанийн ТУЗ-ийн дарга зэрэг өндөр албанд томилогдож явсан билээ.

Үндэсний хөгжлийн хүрээлэн нь эдийн засаг, нийгмийн хөгжлийн судалгааг онол, арга зүйн өндөр төвшинд гүйцэтгэж, төр, захиргааны төв байгууллагыг шинжлэх ухааны үндэслэлтэй бодлогын зөвлөмжөөр хангах зорилго бүхий эрдэм шинжилгээний байгууллага. Гэвч үрэлгэн төсөвтэй, бусад ижил төрлийн байгууллагуудтай давхардсан чиг үүрэгтэй албан тушаал, сандал суудлын шагналын бүтэц гэх шүүмжлэлд өртдөг билээ.

Энэ тухай дэлгэрэнгүй мэдээллийг хүргэсэн АН-ын фракцууд яамдаа хуваан авч, өөрсдийн томилгоонуудаа хийж эхэлжээ нийтлэлийг ЭНД дарж уншина уу.

У.УЯН