Нийслэлийн МАН-ын дарга шинээр сонгогдсонтой холбогдуулан Сонгинохайрхан дүүргийн МАН-ын хорооны II хуралдаан Тусгаар тогтнолын ордонд өнөөдөр /2024.05.18/ боллоо.

Хуралд дүүргийн 43 намын хорооны 159 гишүүдээс 90 хувийн ирцтэй оролцож, Cонгинохайрхан дүүргийн МАН-ын хороог өнгөрсөн зургаан жилийн хугацаанд удирдсан Х.Нямбаатар хурлыг нээж, үг хэллээ.

Тэрбээр дүүргийн намын хороог 2018 оноос эхлэн удирдаж, шат шатны сонгуульд үнэмлэхүй ялалт байгуулан амжилттай ажилласан билээ. Өнөөдөр хуралдсан СХД-ийн МАН-ын хорооны хуралдаанаар НИТХ-ын төлөөлөгч, СХД-ийн Засаг дарга Н.Алтаншагайг нэр дэвшүүлж 100 хувийн саналаар баталлаа.

Б.ХАШ-ИЛД