Өнөөдөр /2024.07.09/ Төрийн ордонд Засгийн газрын бүтэц, бүрэлдэхүүний талаарх яриа, хэлэлцээр идэвхтэй өрнөж байна.
ТББХ-ны хуралдаанаар Засгийн газрын бүтцийг хэлэлцэж дуусав. Одоо УИХ-ын чуулганы хуралдаанаар батлах юм. Бүтцийн дараа бүрэлдэхүүний асуудлаа хөндөнө.
Иймд, урьдчилсан тохироо гарсан ч, сайдын сандал суудлын төлөөх марафон ид өрнөж байна. Тухайлбал, УИХ-ын гишүүн Б.Бейсен Эрүүл мэндийн сайдын суудалд санаархжээ. Үүнийгээ, намдаа болон эрх баригчдад илэрхийлсэн ч, хүлээж аваагүй бүтэлгүйтсэн аж. Одоогоор тус сайдын суудалд МАН-аас Т.Мөнхсайханы нэр яригдаж буй юм.
Ерөнхий сайд Л.Оюун-Эрдэнэ танхимдаа ажиллах 23 сайдын нэрийг Ерөнхийлөгчтэй зөвшилцөн, өнөөдөртөө тодорхой болгох чигтэй байна.
